Harrison Elmer vuante nga sëmundja e meningjitit dhe mund të merrte frymë vetëm me anë të një makinerie. Në mënyrë të pabesueshme, fëmija reagoi kur iu hoq makineria që e mbante gjallë.
Doktorët e kishin vënë në dijeni familjen se fëmija nuk do të ishte në gjendje të jetonte. Kështu prindërve nuk u kishte mbetur zgjidhje tjetër veçse t’i fiknin makinerinë.
Në janar të vitit 2013, rezultatet e skanimeve treguan se truri i fëmijës kishte vdekur krejtësisht. Me zemër të thyer, prindërit, Samantha Baker 22 vjeçe dhe Adam Elmer 26 vjeç, e morën këtë vendim drastik në mënyrë që fëmija i tyre të mund të vdiste në paqe.
Por, diçka krejt e papritur ndodhi!
Sapo iu hoq makineria, fëmija filloi të merrte frymë vetë. Ai shfaqi një aftësi të jashtëzakonshme duke e rimarrë veten. Së shpejti ai feston ditëlindjen e tij të katërt.
Por mrekullia nuk mbaron me kaq. Doktorët u kishin thënë prindërve se pavarësisht se fëmija ka mbijetuar, ai kurrë nuk do të jetë në gjendje të ecë apo të flasë. Por sot, ai ecën dhe flet si një fëmijë normal. Madje, prindërit e tij po mendojnë ta regjistrojnë edhe në kopësht. /tesheshi.com/
