Oficerët e Doganës së Kosovës kanë arritur të kapin një sasi të madhe të telefonave mobil.
Në pikë kalimin kufitar të Dheu i Bardhë kanë arritur të kapin në 2 raste sasi të konsiderueshme të mallrave gjatë tentim të kontrabandimit.
Në këto dy raste të ndara oficerët doganor kanë parandaluar në total kontrabandimin e 80 copë telefonave të mençur vlera e të cilëve kalon 10.000 euro.
Në rastin e parë oficerët doganor kanë ushtruar kontroll në një automjet i cili vinte nga drejtimi i Serbisë ku pas ushtrimit të kontrollit detal kemi gjetur 2 çanta të dyshuara, pas hapjes janë vërejtur një sasi e konsiderueshme e telefonave mobil si dhe pjesëve përcjellëse, thuhet në njoftimin e Doganës së Kosovës.
· Telefona mobil HUAWEI me bateri modeli Y360 = 48 copë
· Telefona mobil ËIKO me bateri modeli GOA dual sim = 2 copë
Ndërsa gjatë kontrollimit të autobusi të linjës Kosovë –Zvicër oficerët doganor kanë gjetur tek çantat e njërit prejt udhëtarve një sasi të telefonave të padeklaruar. Disa prej telefonave janë gjetur te fshehur ne xhaketën e udhëtarit, thuhet në njoftim.
· Telefona mobil HUAWEI me bateri modeli Y360 = 20 copë
· Telefona mobil SAMSUN GALAXY J1 me bateri = 7 copë
· Telefona mobil IPHONE 5s = 2 copë të përdorur
· Telefona mobil IPHONE4s = 3 copë të përdorur
Sipas njoftimit të Doganës mallrat janë konfiskuar derisa kundërvajtësit kanë shkaktuar kundërvajtje doganore sipas Nenit 250. pika 3, te Kodit Doganor dhe te Akcizave te Kosovës.
Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë./tesheshi.com/
