Anëtari i Presidencës trepalëshe boshnbjake, i njohur ndryshe si lider i Republika Srpska, Milorad Dodik, kërkoi që dhe Rusia e Kina të kishin një të dërguar special në rajon, si reagim ky ndaj emërimit të Richard Grenell si i dërguari i presidentit Trump për dialogon Kosovë – Serbi, e më herët, si caktimin e Metthew Palmerit si të dërguar special për Ballkanin Perëndimor.
Fillimisht, ai foli me injorim për Grenellin, duke thënë se “nuk e di se kush ishte”, e duke përmendur se ai nuk kishte përvoja pozitive me njerëzit e SHBA në rajon.
“Serbia nuk ka arsye për t’u shqetësuar, ajo ka një pozicion të qartë. Do të ishte mirë nëse Rusia dhe Kina do të kërkohej që tani të caktonin një të dërguar special, kështu që le të shohim se si trajtohen këto gjëra. Amerika ka dëshmuar të jetë një vend që mbrojti historinë e deklarimit të paligjshëm të shtetit të Kosovës”, theksoi Dodik.
Dodik beson se nën udhëheqjen e Vuçiç, pozicioni politik ndërkombëtar i Serbisë nuk është më kombëtar, dhe se Serbia ka arritur të sigurojë mbështetjen e vendeve që më parë kanë njohur Kosovën për të tërhequr njohjen. /tesheshi.com/
