Nëse kripa është shihja e jetës, sheqeri e bën atë të bukur, argëtuese dhe pa dyshim, më të ëmbël. Por me sa duket, nuk mendon aspak kështu Sacha Harald, një djalosh me origjinë nga vendet e Ulëta, i cili ka marrë rrezikun për t’iu nënshtruar një eksperimenti: të mos konsumojë sheqer (të thjeshtë apo të rafinuar). Një eksperiment me të vërtetë i rëndë për organizmin, i cili ka nisur të shfaqë probleme që në ditët e para.
Fillimisht Sascha nisi të kishte probleme me humorin dhe shkencëtarët e shpjeguan se furnizimi i dobët i trurit me sheqerna ndikon në rritjen e nervozizmit. Sascha nisi të ishte viktimë e krizave të shumta. Pas një muaj, edhe parametrat e tij jetësorë ndryshuan: presioni i gjakut u ul, pesha trupore u reduktua dhe gjithashtu vlerat e kolesterolit ranë.
Pas katër muajsh pa sheqer, vihet re një rënie në peshë, e cila dallohet tek veshjet, të cilat nuk i bëjnë më dhe nisin ti rrinë të mëdha. Rreth një vit pas nisjes së dietës pa sheqer, edhe shijet nisin të ndryshojnë: nëse më parë kishte simpati për ushqimet e ëmbla, tashmë ato nisin ti duken si pa shije ose me shije të shpifur. Nga ana shëndetësore, në fakt ai ishte më mirë dhe organizmi, në përgjithësi rrezikonte më pak të prekej nga sëmundjet.
Pas tre vitesh përfitimet nga mungesa e sheqerit kanë nisur të shfaqen edhe në lëkurë, duke qenë se mungesa e sheqerit zvogëlon efektvitetin e elastnës dhe kolagjenit. Duke hequr këtë element ushqyes nga dieta, lëkura duket më e re dhe më pak e ndjeshme nga dëmet që provokohen prej ekspozimit ndaj rrezeve të diellit. Efekte pozitive vihen re edhe në shëndetin e tiroides. Pra, a jeni të gatshëm të nisni një jetë pa sheqer?/tesheshi.com/
