Në Monreale, provincë e Palermos, një i papunë 48 vjeçar i “fiksuar” pas lojërave të fatit, të hënën mbrëma, përplasi makinën e tij me makinat e policisë në stacionin e Grisit, në periferi të komunës siçiliane.
Pasi tentoi me ilaçe dhe psikologë, dy tentativa të dështuara, provoi të futej në burg, si alternativa e fundit për të hequr dorë nga bixhozi.
Gjatë fjalës së tij, mbajtur para gjyqtarit në Gjykatën e Palermos, 48 vjeçari i papunë, lindur në Gjermani, ka treguar se është një lojtar i fiksuar pas kumarit dhe ka arritur deri në pikën sa të shpresojë që arrestimi do të mund ta nxjerrë nga ai “tunel”, i cili i ka shkaktuar 200 mijë euro humbje në pesë vitet e fundit.
Imazhet filmike kamerave të sigurisë, instaluar në zonë, konfirmojnë dëmin e shkaktuar vullnetarisht.
Makina i është sekuestruar dhe u gjet pa siguracion.
Por tentativa e dëshpëruar nuk shërbeu për asgjë, pasi burri është lënë sërish i lirë pas verifikimeve./tesheshi.com/
