Nga Engie Hassan
Shitje me pakicë, sidomos produktet luksoze, janë ngadalësuar dhe kjo rënie e shitjeve vjen si pasojë e statusit aktual ekonomik (siç më pëlqen t’ju kujtoj edhe dështimin e uljeve të çmimeve gjatë festave të fundvitit), duke i lënë dizenjuesit, tregtarët me shumicë dhe pakicë, që të kërkojnë pika të reja shitjesh në treg.
Gjatë vitit 2014-2015 ishte menduar një rritje e tregun aziatik, megjithatë, popullsia në rritje e Kinës u ngop me mallra e produkte dhe lindi nevoja e kthimit të syve në Lindjen e Mesme. Lindja e Mesme është prezantuar si një treg i gjerë, jo vetëm për produktet e krijuara me dorë dhe kuzhinën e larmishme, por edhe për rritjen e numrit të femrave që blejnë produkte për veten e tyre, të cilat me sa duket, po zënë një pjesë të madhe të portofolit në treg.
Dizenjuesit luksozë janë duke i kushtuar kësaj pjesë tashmë një vëmendje të madhe. Ata po kuptojnë nevojat specifike dhe po kurojnë koleksione të frymëzuara nga nevojat e veçanta kulturore të shteteve si Emiratet e Bashkuara Arabe. Më në fund, këta dizenjues janë duke u marrë tashme me diçka që është bërë e dukshme rreth 5 vite më parë.
Dyshja e dizenjuesve Dolce & Gabbana kanë lajmëruar së fundmi planet për të lançuar një koleksion bashkëkohor dhe tradicional enkas për nevojat dhe kërkesat e femrave në Lindjen e Mesme.
Dizenjuesi Stefano Gabbana tha: “Jam me të vërtetë i mahnitur nga Lindja e Mesme dhe sapo kemi përfunduar një koleksion prêt-a-porter me abaya dhe sheyla”.
Ata kanë deklaruar së fundmi se fokusi i punës në Dolce & Gabbana është që klientët e tyre të ndihen të lehtësuar dhe shumë mirë me veshjet e aksesorët, sikurse ndihen punonjësit dhe dizenjuesit.
Ashtu si janë përpjekur shumë dizenjues për të gjetur një lidhje me tregun e Lindjes së Mesme në punët e tyre, Dolce dhe Gabbana është një nga etiketat e para të mëdha luksoze që ka krijuar një koleksion ekskluzivisht për një nga veshjet më të përdorura në botë nga femrat.
Duke kuptuar nuancat e kulturës së Lindjes së Mesme dhe nevojat specifike për copa tradicionale, siç janë abaya dhe sheyla, D&G shton i sigurt tregun e shitjes në kompanitë e tjera të modës në Emratet e Bashkuara Arabe dhe vendet fqinje.
Koleksioni do të jetë i disponueshëm në Emiratet e Bashkuara Arabe gjatë muajit tetor të këtij viti. Jam e sigurt se abaya do të bëhet tashme trend edhe në popullsinë e Lindjes së Mesme që jeton në Shtetet e Bashkuara të Amerikës apo në kontinente të tjera. Pyetja e vërtetë që shtohet është: A do të jetë në gjendje D&G të thyejë rekordet e çmendura të arritura nga shitjet e brendeve H&M apo Balmain në Emiratet e Bashkuara Arabe?
Marrë në: http://muslimgirl.net/
Përshtati: Alba Skëndaj/tesheshi.com/
