TCH raporton se një nga ndërtimet më të larta, por dhe të shëmtuara të vijës bregdetare nga Plepat te Shkëmbi i Kavajës, është vënë në listë për t’u shembur, e kjo për shkak të problemeve të shumta në konstrukt.
Raportohet se relacioni për t’i bërë rrafsh 28 kate është hartuar drejtori i Institutit të Ndërtimit, inxhiner Agron Hysenlliu. Ky i fundit më pas thuhet se është kërcënuar nga pronari i pallatit Ever Shala, i cili është shpallur në kërkim policor.
Shala ka ndërtuar dhe një tjetër gërdallë të ngjashme në afërsi të Portit të Durrësit, ku si në rastin e kompleksit Kamelia, pra këtij të planifikuar për t’u prishur, ka një shtesë prej disa katesh pa leje.
Disa vite më parë u përfol për prishje dhe një prej ndërtimeve më katastrofale në zemër të Sarandës, një 15-katësh tmerrësisht anti-estetik dhe i ngritur mbi terren arkeologjik të kategorisë A – pra ku ndalohet ndërtimi – por që nuk u bë realitet. Kjo, që në vitin e fundit të qeverisjes Nano, në vitin 2004. /tesheshi.com/
