Rudina Hajdari, vendimi i së cilës në lidhje me mandatin e saj pritet me interes nga opinioni, edhe pas kthimit në Shqipëri nuk e ka thënë akoma më fjalën e fundit; thënë ndryshe atë nëse do të ndjekë kryetarin Basha apo kolegun Murrizi. Ajo sërish është deklaruar se shumë shpejt do flasë, duke sqaruar paraprakisht se për ç’arsye do e linte mandatin në rastin e studentëve.
“Nuk ka kaluar kohë shumë e gjatë nga 8 dhjetori 2018 kur shpreha gaditshmërinë time të sinqertë për të lënë mandatin e deputetit e për t’u bashkuar me studentët për kauzat e kombit, “për ndërtimin e një sistemi të vërtetë demokratik në Shqipëri”, por ky propozim ishte në një kontekst komplet të ndryshem nga ai që është tani. Bëhej fjalë për sakrificë politike individuale për t’iu ardhë në ndihmë studentëve në kauzën e tyre dhe jo për vendim kolektiv i cili pritet të ketë risqe”, shkruan ajo në FB.
Ndërkohë, edhe pse në kuota tejet të dobëta politike, pa asnjë ngjashmëri me të ndjerin baba të saj, Azemin, e bija deputete thotë se është konsultuar me personalitete politike europiane e amerikane, pa ofruar asnjë emër konkret.
“…gjatë kësaj periudhe jam konsultuar me personalitete politike të Bashkimit Evropian dhe Shteteve të Bashkuara të Amerikës, përfaqësues të aleatëve më të çmuar, seriozë e të vendosur në rrugën e vështirë të kombit tonë, që nga shpallja e pavarësisë, rrëzimi i rregjimit komunist e më tej në proçeset trasformuese të zhvillimit ekonomiko-social dhe të integrimit euro-atlantik”, shkruan deputetja Hajdari.
“Qëndrimin tim do t’a bëj publik shumë shpejt”, përfundon ajo. /tesheshi.com/
