A nuk është ndjenjë e mirë kur djersitesh? Ti ndiesh muskujt të nxehen, ta ndiesh zemrën duke rrahur, t’i ndiesh toksinat të largohen nëpërmjet poreve? Epo, të gjitha përveç pjesës së fundit.
Përkundër pohimeve të njohura, djersa, realisht, nuk është detoksifikuese. Detoksi i vërtetë ndodh në organe krejtësisht të ndryshme. Po sërish, neve na pëlqen të djersitemi.
Djersitu fort!
Saunat, studiot me yoga të nxehta dhe shtëpizat që të djersijnë, të gjitha ‘betohen’ në efektet e detoksifikimit të djersitjes. Por, në të vërtetë, vështirë që del ndonjë kimikat i dëmshëm nga djersa jote. Djersa është më së shumti e përbërë nga uji dhe një koncentrim i caktuar i natriumit, klorurit, kaliumit dhe nganjëherë proteinave dhe acideve yndyrore.
Po, ka edhe disa toksina, por vetëm sasi të vogla, dhe këto duken të vogla nga sasitë që mëlçia dhe veshkët e tua vazhdimisht hedhin jashtë nga trupi yt. Trupi prodhon djersë në radhë të parë që të të freskojë ty gjatë ushtrimeve apo në mot të nxehtë.
Por nëse ti nuk e zëvendëson atë djersë me pirje të ujit mjaftueshëm, do të dehidratohesh, e kjo është rruga më e lehtë për t’i dëmtuar veshkët dhe t’i mbash larg ato nga puna e tyre. Me fjalë të tjera, djersitja nuk të detoksifikon, madje mund ta bëjë edhe të kundërtën. Kjo nuk i bie që djersitja është e keqe. Ajo është një mënyrë e mirë për t’u freskuar./tesheshi.com/
