Presidenti Thaçi shpalli datën e zgjedhjeve të jashtëzakonshme për katër komunat serbe në veri të Kosovës, e kjo pas “djegies së mandateve” të katër kryekomunarëve serbe muaj më parë.
Fjala është për zgjedhjet në komunat Mitrovica e Veriut, Zubin Potok, Leposaviq dhe Zveçan.
Sipas njoftimit, këto zgjedhje do të mbahen më 19 maj 2019.
“Djegia e mandateve” të katër kryekomunarëve, erdhi si reaksion ndaj vendosjes së taksës 100 përqind për produktet serbe.
Ata vendosën të dorëhiqen nga posti, duke mos pranuar ushtrimin e detyrës ndaj kësaj mase të vënë nga qeveria Haradinaj.
Ky pritet të jetë një ndër zhvillimet më interesante në politikën e Prishtinës në raport me Beogradin, pasi bëhet fjalë për një precedent të panjohur më parë. /tesheshi.com/
