Duke dënuar djegien e Kur’anit të së shtunës në Stokholm, një akt i ulët para ambasadës turke, Presidenti Erdogan i tha Suedisë se nuk do të marrë mbështetje për anëtarësimin në NATO nëse nuk respekton Turqinë dhe Islamin.
Erdogan tha se askush nuk ka lirinë të ofendojë fenë e myslimanëve apo dhe fe të tjera.
“Ai akt i shëmtuar në Suedi është një fyerje për këdo që respekton të drejtat dhe liritë themelore të njerëzve, veçanërisht të myslimanëve”, tha Erdogan.
Duke kujtuar se incidenti ndodhi para ambasadës turke në Stokholm, Erdogan tha se ata që e bënë të mundur një gjë të tillë nuk mund të presin vullnet të mirë nga Turqia në lidhje me kërkesën e Suedisë për anëtarësim në NATO.
“Nëse nuk e respektoni Turqinë dhe nuk tregoni respekt për besimin e myslimanëve, nuk do të merrni mbështetjen tonë në lidhje me NATO-n”, tha Erdogan. /tesheshi.com/
