Hetuesit rusë po shyqrtojnë mundësinë e “gabimit njerëzor” që mund të ketë shkaktuar djegien e aeroplanit rus në aeroportin Sheremetyevo të Moskës, ku 41 vetë humbën jetën.
Të dielën, avioni Sukhoi Superjet-100 u përfshi nga flakët menjëherë pas aterimit, pasi sipas anëtarëve të ekuipazhit, aeroplani u godit nga rrufeja në ajër.
Gazeta ruse Kommersant citoi burime anonime sipas të cilave pilotët bënë disa gabime përara aterimit urgjent, përfshirë uljen me rezervuar plot, në vend se të fluturonin më gjatë për të shpenzuar karburantin.
Ministri rus i Transportit, Jevgeny Ditrikh, tha se nuk sheh arsye për të hequr nga përdorimi avionët Sukhoi Superjet-100 derisa të dalin rezultatet e hetimeve. /tesheshi.com/
