Pas Cristian Panuccit, është ish-deputeti demokrat Romeo Gurakuqi ai që ka ngritur padi ndaj ish-presidentit Bujar Nishani. Në historinë post-komuniste shqiptare, Nishani është i vetmi ish-president me këtë precedent, pra që paditet.
Ish-trajneri italian i kombëtares shqiptare e paditi për fyerje. Pas disa rezultateve të dobëta të kuqezinjve, Nishani u shpreh me një gjuhë përçuese dhe plot etiketime ndaj Panuccit.
Ndërsa tani, është historian i njohur shkodran, profesor Romeo Gurakuqi, i cili e ka paditur ish-presidenti e partisë së tij, pra jo një kundërshtar politik, për shpifje.
Nishani ka aluduar në një shkrim anti Romeos në rrjete, përplot epitete në adresë të tij, se ish-deputeti ka qenë i implikuar në ish-strukturat e Sigurimit të Shtetit. Por Gurakuqi thotë se e ka provuar disa herë pastërtinë e tij dhe të familjes në këtë drejtim, ndaj dhe do e zgjidhë në gjykatë këtë çështje.
Në thelb të kësaj sherrnaje në PD, është pikërisht komisioni i ashtuquajtur “Nishani”, i cili ka përzgjedhur e skualifikuar disa figura nga të qënit kandidat për deputetë. Romeo Gurakuqi është një prej tyre. /tesheshi.com/
