Nën ethet e përgatitjes për zgjedhje të parakohshme në Kosovës, VV e LDK janë dy forcat më të përafruara për koalicion, ku madje së fundi, lideri i së parës Albin Kurti, tha se në rast se ndodh kjo, do ishte një festë.
“Bisedimet po shkojnë mbarë. Ekziston një atmosferë konstruktive”, tha Kurti gjatë një interviste.
Kujtojmë që VV, si fitore të saj të parë ka marrjen e drejtimit të Prishtinës, pikërisht nga LDK-ja, e cila drejtohej gjithashtu nga Isa Mustafa, kjo kur Shpend Ahmeti ishte vetëvendosës. Por për Albin Kurtin duhet parë nga e ardhmja.
“Kemi dallime nga e kaluara me LDK-në , kemi probleme, por ne duhet të përqendrohemi tek e ardhmja”, tha kreu i VV-së.
Albin Kurti beson se një koalicion VV-LDK do mund t’u dhurojë pushtetin këtyre dy forcave, për të nisur më pas një rrugë reformash.
Kujtojmë gjithashtu se ndërsa VV është forca me rritjen më të madhe të kuotave elektorale, LDK-ja, një forcë-ikonë e politikës kosovare, ka shënuar rënie të ndjeshme në tregues votash. /tesheshi.com/
