Djalli seksual që fshihej te “shenjtori francez i të pastrehëve”

Kisha Katolike e Francës tha se do të hapë dosjet e saj mbi akuzat për abuzim seksual dhe ngacmime të bëra kundër Abbe Pierre, një prift, lufta e të cilit për të varfërit dhe të pastrehët e bëri atë të shenjtërohet si një shenjtor i ditëve moderne.

Konferenca e Peshkopëve të Francës (CEF) ka njoftuar se dosjet e saj për Abbe Pierre, themeluesin e bamirësisë Emmaüs, i cili vdiq në 2007, do të vihen në dispozicion pa vonesën e zakonshme prej 75 vjetësh nga koha e vdekjes.

Shtatë gra akuzuan Abbe Pierre për abuzim seksual korrikun e kaluar dhe Emmaüs tha se janë paraqitur edhe 17 ankesa të tjera, duke përfshirë akuza “shumë serioze” për abuzim seksual kundër viktimave të shumta, të paktën njëra prej të cilave ishte fëmijë në kohën e supozimit të kësaj vepre penale.

Në një deklaratë të përbashkët, Fondacioni Abbé Pierre, Emmaüs France dhe Emmaüs International thanë: “Natyra ekstreme dhe dhuna e përfshirë në disa nga këto dëshmi të reja është një tronditje shtesë për organizatat tona.” Edhe një herë, të tre organizatat përsëritën mbështetjen e tyre të plotë për viktimat dhe vlerësuan guximin e atyre që dolën përpara. Ne i besojmë dhe i mbështesim”, thonë ata.

Deri vitin e kaluar, Abbe Pierre ishte një figurë e respektuar gjerësisht në vendin e tij për punën e tij humanitare, e parë si mishërimi i vetëflijimit të krishterë. Megjithatë, të dhënat e kishës tregojnë se shqetësimet ishin ngritur për sjelljen e tij që në vitet 1950.

Emmaüs, e cila ka 425 degë në 41 vende, ka bërë përpjekje gjatë muajve të fundit për t’u distancuar nga themeluesi i saj. Është bërë e ditur se një mbledhje e përgjithshme e posaçme në dhjetor do të votojë heqjen e emrit të priftit nga logoja e saj. Fondacioni Abbé Pierre është vendosur gjithashtu të ndryshojë emrin e tij, ndërsa qendra përkujtimore Abbé Pierre në Esteville, Normandi, ku prifti i ndjerë kaloi disa vite, do të mbyllet përgjithmonë.

Adrian Klabos, kreu i Emmaüs International, tha në një emision radiofonik francez: “Lëvizja jonë është e tronditur nga këto zbulime… Çdo degë duhet të marrë parasysh theksin që do t’i japë tani e tutje figurës së Abbe Pierre. Ne nuk japim udhëzime, por inkurajojmë njerëzit të jenë të përgjegjshëm në zgjedhjet që bëjnë, duke qenë se imazhi i tij tani është edhe ai i një grabitqari seksual”.

Sipas Guardian, Emmaüs kishte punësuar një konsulencë të pavarur të quajtur Egaé për të shqyrtuar ankesat dhe për të mbledhur dëshmi të mëtejshme nga viktimat. Veprat e supozuara datojnë nga vitet 1950 deri në 2005 dhe dyshohet se kanë ndodhur në Francë, Zvicër, SHBA dhe Marok.

Raporti i Egaé, i publikuar më 17 korrik, pretendonte se kishte “kontakte të përsëritura seksuale me një person të cenueshëm”, “akte seksuale të përsëritura me penetrim” dhe “kontakt seksual me një fëmijë”.

Një grua pretendoi se ishte “e detyruar të shikonte Abbe Pierre duke masturbuar dhe kryer seks oral në një apartament në Paris” në vitin 1989. Një ankesë tjetër përfshin një grua që tha se prifti e puthi atë “me gjuhën e tij” dhe e preku gjoksin e saj në mesin e viteve 1970, kur ajo ishte vetëm nëntë vjeçe.

Studiuesit thanë se kishte më shumë rrëfime për abuzim seksual, por ato që ishin bërë në mënyrë anonime ose ku ankuesit nuk donin të jepnin detaje të plota u përjashtuan.

Abbe Pierre (emri i vërtetë Henri Antoine Gruet) lindi në 1912 dhe ishte murg kapuçin përpara se të shugurohej në 1938. Ai iu bashkua Rezistencës Franceze gjatë Luftës së Dytë Botërore dhe u bë anëtar i parlamentit pas përfundimit të saj.

CEF shprehu “dhimbjen” dhe “turpin” e saj për akuzat dhe njoftoi bashkëpunimin e plotë në hetim. Kisha është tronditur nga Komisioni i Pavarur për Abuzimin Seksual në raportin e Kishës 2021, i cili zbuloi më shumë se 3,000 raste të abuzimit seksual nga priftërinjtë që nga viti 1950.

Klamas i tha RFI se Emmaüs po heton se si të kompensojë viktimat. “Ky është një proces i gjatë dhe i vështirë,” tha ai. /tesheshi.com/