Numri i vdekjeve në Kinë nga koronavirusi u rrit me 73 të enjten duke shkuar në 563 gjithsej. Kjo është e treta ditë radhazi që ka një rritje rekord të vdekjeve të përditshme, komentojnë disa media botërore.
Ekspertët po rrisin përpjekjet për të gjetur një vaksinë për një sëmundje që ka çuar në “vdekjen klinike” të shumë qyteteve kineze dhe që gjithashtu ka futur mijëra njerëz në të gjithë botën në karantinë.
Provinca e Hubei, nga e cila lindi sëmundja, raportoi 70 vdekje të reja dhe 2.987 pacientë të rinj me infeksion.
Hubei gjithashtu është bllokuar për gati dy javë me stacione të mbyllura trenash dhe aeroporte, e rrugë gjithashtu.
E nga ana tjetër, një numër i madh i linjave ajrore kanë pezulluar ose kufizuar fluturimet për në Kinë, dhe disa vende, duke përfshirë SHBA, kanë ndaluar hyrjen për këdo që ka qenë në Kinë për dy javët e fundit.
Qindra ekspertë do të mblidhen në Gjenevë në 11 dhe 12 shkurt për të provuar të gjejnë mënyra për të luftuar përhapjen e virusit, njoftoi Organizata Botërore e Shëndetit (OBSH), duke shtuar se një ekip multinacional i udhëhequr nga OBSH “së shpejti” do të shkojë në Kinë. /tesheshi.com/
