Një tragjedi familjare ka ndodhur mbrëmjen e djeshme në lagjen Cërniçe të Shkupit, ku dhali vrau me thikë babain.
Denoncimi është bërë në polici nga fqinjët, banues në rrugën “Çedomi Karatxhiev”, ku rreth orës 22:15 nisi konflikti mes djalit dhe babait.
Portali maqedonas “Fokus”, shkruan se viktima me inicialet L.T ishte anëtar i Komitetit Komunal të VMRO-DPMNE-së në Kisela Vodë.
Policia e ka gjetur 68-vjeçarin të shtrirë në pragun e derës së dhomës, pa shenja jete. Dëshmitare në krim ishte bashkëshortja e viktimës.
Sipas saj, ajo me bashkëshortin ishin duke ndenjur në dhomë ku më pas ka ardhur i biri i cili ka thyer derën kryesore të shtëpi. Pas kësaj ai ka hyrë në dhomë, e ka larguar atë, dhe ka filluar të godasë babain e tij.
Autori krimit, 41 vjeç, është larguar nga banesa, por disa orë më pas kërkoi ndihmë mjekësore për shkak të një plage në dorë.
Ai është arrestuar nga policia./tesheshi.com/
