Djali i veprimtarit të shquar, Ukshin Hoti, në fjalimin e tij të parë si deputet ka numëruar një varg problemesh me të cilat duhet të merret Kuvendi, e jo me çështjen Rikalo.
Ndërsa, rreth përbërjes së qeverisë, në të cilën është edhe Rikalo, ai tha se nuk e ka pasur të lehtë ta votojë qeverinë aktuale.
Deputeti Hoti ka treguar për një bisedë që kishte pasur në një dasmë me kryeministrin Haradinajt, para dy javësh, ku i ka shpjeguar atij se sa të vështirë e ka pasur ta votojë një qeveri, e cila në përbërjen e saj ka dy serbë, njërin zv.kryeministër, e tjetrin ministër të Bujqësisë.
Hoti ka thënë se kjo nuk është çfarë kanë dashur as ai e as kryeministrit, por meqë serbëve ua garanton vendin Kushtetuta, duhet të respektojnë diçka të tillë.
Deputeti i PDK-së thotë se ishte i gatshëm që edhe të protestonte pasi ka dëgjuar për akuzat e banorëve të lagjes “Dardania” se ishin torturuar gjatë vitit ’98-’99.
Por, konsultat e kryeministrit me institucionet shtetërore, të cilat i kanë pohuar Haradinajt se nuk kanë prova kundër Rikallos, e ka qetësuar atë. /tesheshi.com/
