Në mes të masakrës së luftës civile në Siri, del përsëri një skenë që të ngroh zemrën. Kësaj radhe protagonist është një djalë i ri që shpëton macen e tij gjatë evakuimit nga ish-bastioni i rebelëve të Halepit lindor.
Vogëlushi Abdillah al-Sayyad i tha mediave lokale të martën, se ai e kishte sjellë macen e tij me vete për ta shpëtuar atë nga bombardimet brutale të regjimit, pas evakuimit në Halepin rural të mbajtur nga rebelët.
“Pse e solle macen me vete nga Halepi?” pyet gazetari nga Syrian Revolucioni Network vogëlushin.
“Që ajo të mos vdesë”, përgjigjet ai.
“Pse do të vdesë në Halep, çfarë po ndodh atje?” pyet pastaj gazetari.
“Ka një regjim dhe rrethim atje. Ka një regjim në qytet, dhe unë nuk dua që ata të bombardojnë macen time”, përgjigjet Sayyad.
Rreth 34,000 njerëz kanë lënë Halepin lindor që nga e enjtja e fundit, përfshirë të plagosurit dhe të sëmurët në gjendje kritike.
Forcat rebele, të cilët kishin marrë kontrollin e Halepit lindor në vitin 2012, pranuan të tërhiqen nga bastioni i rebelëve pas një ofensive njëmujore të ushtrisë siriane, që vrau qindra njerëz dhe çoi deri te largimi nga më shumë se 90 për qind e ish-territorit të tyre./tesheshi.com/
