Astrit Rraci, djali i zyrtarit të LDK-së Ismet Rraci i vrarë 17 vjet më parë pasi u zgjodh kryetar i komunës së Klinës është shprehur i shqetësuar që edhe pas kaq vitesh nuk është zbardhur vrasja e babait të tij por edhe asnjë vrasje e zyrtarëve të shtetit, për çka ka fajësuar edhe LDK-në.
“Kanë kaluar tashmë 17-të vite që ne si familje po kërkojmë të vërtetën rreth vrasjes së babës. Për familjen, atentati ndaj babës mbetet ende i pa ndriçuar, prandaj hetimet duhet të vazhdojnë ose të rishikohen aty ku kanë ngecur. Deri më tani prokuroria, hetuesia dhe drejtësia e Republikës së Kosovës ka dështuar të nxjerrin para gjyqit urdhërdhënësit dhe ekzekutorët e krimit. Shteti i Kosovës madje ka dështuar që së paku ta trajtoj rastin si atentat ndaj një zyrtari të saj. Të ju kujtoj, baba në momentin e vrasjes ka qenë duke shkuar në punë. Ai kishte pak kohë që ishte zgjedhur Kryetar i Komunës së Klinës, si bartës i listës nga ana e LDK-së, kryetar shumëvjeqar i Degës dhe anëtar i Këshillit Qëndror të saj”, shkruan Astriti në Facebook.
Ai më tej thotë se mund të mbesin një apo dy vrasje pa u ndriçuar po jo të gjitha që kanë ndodhur pasluftës.
“Deri më tani kanë kaluar shumë qeveri e parlamente me përberje të ndryshme partiake, edhe përkundër faktit që asnjë vrasje politike nuk është zbardhur, kurrë nuk ka pasur as edhe ndonji masë për të thirrë së paku në përgjegjësi organet kompetente të sigurisë e drejtësisë për jo efikasitet. Ndoshta edhe mund të pajtohemi se një apo dy vrasje mund të mbesin të pa ndriçuara, por jo të gjitha?!”, shkruan Astriti. /tesheshi.com/
