E enjtja është e njëjtë vetëm në parlamentin shqiptar. Vetëm në të ngjajnë si dy pika uji të enjtet e çdo muaji. E jo pse në të punohet, e jo pse ai mblidhet veç në këtë ditë, por ngaqë ai u përcjell të njëjtat pamje shqiptare. Fyerje, përplasje, sharje, gardistë që mbrojnë folësin…
Janë të njëjtët njerëz, të njëjtët deputetë, të njëjtët emra që i sheh të zihen e t’i heqin puplat njëri-tjetrit. Balla, Berisha e Topalli; një treshe që mund të prodhojë rrëmujë pa fund në sallën e parlamentit.
Po a meriton vërtet Taulant Balla të nxirret për zhelesh? Eshtë ai që deklaron se pseudonimi i Jozefina Topallit na paska qenë “Dezinjatorja”, është ai që e quan Berishën të ngordhur, është ai që pa fund krijon tension në sallë.
Në anën tjetër, si Topalli dhe Berisha nuk ngurrojnë t’i përgjigjen me të njëjtën gjuhë: përdhunues, shpifës me pagesë, monstër…
Në vend të projektligjeve të diskutuara e të miratuara, debati ndjek të njëjtën trajektore, me të njëjtin kulm: përplasjen e pistë verbale mes Ballës, Berishës e Topallit.
Kush meriton të kapet për zhelesh? /tesheshi.com/
