Lionel Messi, mbase futbollisti më i madh i të gjitha kohërave, njoftoi dje me faks menaxhmentin e Barcelonës se dëshiron të largohet nga klubi katalonas këtë vit pas dy dekadash që luan për Blaugrana-n.
Sipas mediave sportive spanjolle dhe argjentinase, ai i tha menaxhmentit të klubit se dëshironte të largohej pa kompensim. Sidoqoftë, situata duket se është ndërlikuar pasi administrata u përgjigj se ata ishin duke refuzuar kërkesën e tij.
Catalunya Radio raporton se futbollisti argjentinas së fundmi foli me Pep Guardiola-n dhe se kjo bisedë ishte vendimtare në vendimin e Leos për të lënë dashurinë e tij të parë në futboll, dhe të vetmen, sigurisht.
Edhe pse ende nuk ka një konfirmim zyrtar, ka kohë që spekulohet se Manchester City ka në dispozicion 300 milion dollarë për të sjellë përforcime, për të mos përmendur që Lionel Messi ka qenë në radarin e tyre për një kohë të gjatë.
Mediat spanjolle gjithashtu deklarojnë se Messi kishte një klauzolë në kontratën e tij të vjetër duke thënë se ai mund të largohej pa kompensim deri në fund të sezonit të kaluar. Siç qëndron, pas skadimit të saj, kontrata e tij zgjatet automatikisht deri në fund të qershorit 2021. Sulmuesi i Barcelona-s ka ende një klauzolë kompensimi prej 700 milion eurosh në kontratën e tij, e cila duhet të jetë në fuqi.
Duhet gjithashtu të theksohet se për shkak të interpretimit të ndryshëm të kohëzgjatjes së sezonit, dashuria mes Messit dhe Barcelona-s mund të prishej dhe çështja mund të përfundonte në gjykatë.
Skuadra juridike e Messit nënvizon se klauzola e largimit ishte e vlefshme deri në “fundin e sezonit”, dhe se UEFA zgjati sezonin deri më 31 gusht për shkak të situatës me koronavirus.
Kjo do të thotë që klauzola është akoma e vlefshme dhe se argjentinasi mund të largohet pa kompensim.
Kujtojmë se ikja e pritshme e Messit nga Barça, gati e paimagjinueshme, vjen pas një humbjeje katastrofike, deri poshtëruese e katalanasve përballë bavarezëve në Chmampions – 8-2. /tesheshi.com/
