Ngjan me një diversion politik ajo që propozoi së fundi ireu demokrat Basha, duke kërkuar nga Rama, edhe pse pa e thënë konkretisht, që të çojë staf mjekësor në Luginën e Preshevës, siç bëri dhe me Italinë.
“Lugina e Preshevës po përballet me pasojat e COVID-19. Për situatën e veçantë ku ndodhen, i bëj thirrje qeverisë të ofrojë asistencë shëndetësore përmes personelit mjekësor. Ndihma për vëllezërit dhe motrat tona atje, është detyrim kombëtar dhe kushtetues“, tha Basha, por pa ofruar tregues dramatikë për ilustrim.
Kujtojmë se politika shqiptare e aktivizoi gjuhën e saj të egërt fill pas asaj që ndodhi me 30 mjekë dhe infermierë shqiptarë që shkuan me insiativë qeveritare në ndihmë të Italisë fqinje.
Shndërrimi i Ramës në “lajm të parë” për disa ditë rresht, çoi në trazimin e opozitës, reagimet e së cilës ç’prej atyre ditëve kanë qenë po ato të situatave para pandemisë.
Më i fundit mesazh për të nga shefi i qeverisë, ishte:
“LBPD nuk mendon si të ndihmojë,se as nuk do as nuk di, po vazhdon avazin e vjetër 7×7=42 dhe ëndërron protesta të mëdha nesër,duke i thënë popullit sot se Covidi është Sudja me thasë me para! Shqipëria do ta fitojë këtë luftë dhe LBPD do t’i mbetet vetëm turpi e dështimi i radhës“, shkroi Rama. /tesheshi.com/
