Shefi i diplomacisë shqiptare, Ditmir Bushati ka sulmuar ashpër ish-kryeministrin Berisha që ka kërkuar paksa luftarakisht prishjen e murit serb në veri të Mitrovicës.
Bushati i ka bërë një pyetje të hidhur ish-kreut të qeverisë duke i kërkuar interesat e kujt përfaqëson dhe madje shkoi më tej kur e akuzoi se po flet jashtë suazës së një anëtari të NATO-s.
“Në emër të kujt flet Berisha? Në emër të Kosovës nuk ka tagër të flasë. Shqipëria ka për detyrë të mbështesë kursin euroatlantik të Kosovës. Parlamenti këtu dhe Berisha ka të drejtë të na kërkojë llogari për kursin tonë, për të mos ardhur këtu dhe për të mos sjellë letra bakalli, por për t’ju referuar fakteve se na tregon që kemi kundërshtuar NATO-n dhe i bie të jemi përjashtuar nga NATO, por ketë e di vetëm Sali Berisha”.
Por më pas, Bushati nuk ka kursyer deputetin demokrat duke i kujtuar kontrabandën e naftës me Serbinë në kohën e luftës në Bosnjë dhe marrëveshjen e detit me Greqinë.
Duke e cilësuar trenin provokativ si një tren elektoral, Bushati tha: “Për çfarë luftë e ka fjalën ai? Për një tren elektoral për shkak të zgjedhjeve në Serbi, i cili u menaxhua në bashkëpunim të plotë me partnerët ndërkombëtarë, apo qytetari dixhital që e parandaloi hyrjen e trenit në Kosvë?
Sa i takon çështjes së murit, dëgjova një koleg që donte të shkonte te muri në Mitrovicë dhe të bëntë foto. Dëgjova Berishën që ishte i gatshëm të bënte luftë për murin. Për Kosovën, në emër të Kosovës flasin institucionet legjitime të Kosovës”.
Por më pas ministri Jashtëm i ka përmendur çështjen CEZ si një deux ex machine për të trazuar situatën.
“Në 2012 ishte nevoja për votë që e bëri Berishën nacionalist, sot është CEZ që po e bën Berishën nacionalist”, tha ai. /tesheshi.com/
