Ditë zie për futbollin kosovar dhe sportin në përgjithësi. Themeluesi i klubit Flamurtari nga Prishtina, Fehmi Prapashtica, ka ndërruar jetë të mërkurën.
Varrimi i të ndjerit është bërë të enjten në varrezat e qytetit në Prishtinë. Kujtojmë se Prapashtica ka dhënë kontribut të pashoqë në futbollin e Kosovës, duke e bërë Flamurtarin një ndër klubet më me zë në futbollin e Kosovës.
Lajmet tragjike nuk përfundojnë me kaq. Një nga pishtarët e pavarësimit të futbollit kosovar, Hamdi Tovërlani ka ndërruar jetë.
Tovërlani ka dhënë kontribut të madh për futbollin e Kosovës, ndërkohë që punoi dhe dha kontribut të madh edhe në gazetarinë sportive në Kosovë.
Së fundi ishte edhe vëzhgues në FFK. /tesheshi.com/
