Eshtë plotësuar më në fund “dëshira”e presidentit Meta për largimin e Ardian Dvoranit nga kreu i Këshillit të Emërimeve në Drejtësi (KED). Kjo pasi Këshilli i Lartë i Lartë Gjyqësor (KLGJ), vendosi ta shkërkojë për mbarrim mandati, siç dhe Meta kishte kërkuar.
Meta kërkoi largimin e Dvoranit nga detyra me argumentin se pas zgjedhjes së tre anëtarëve të rinj në Gjykatën e Lartë në mars të këtij viti, atij i kishte mbaruar detyrimi kushtetues për të qëndruar më në detyrë.
Tashmë pritet që njëri mes tre anëtarëve Sokol Sadushaj, Ervin Pupe apo Ilir Panda të marrë drejtimin e KED në vend të Dvoranit.
Në gjithë këto muaj krize, që kur nisi riformatimi i Gjykatës Kushtetuese, Meta e ka trajtuar Ardian Dvoranin si “hasëm”, duke e sulmuar dhe me një sëri videosh, në fillim të kuptuar si kompromentuese, por që më pas dolën të ishin këndvështrime të presidentit se si e gjykonte punën e Dvoranit.
Nga ana tjetër, Dvorani ishte ai që në gjyqin ndaj Metës në Gjykatën e Lartë, në rastin e videos së të ndjerit Dritan Prifti, aty ku Meta shfaqej i angazhuar në afera, nuk kishte pranuar pafajësinë e njeriut që sot është presidenti. /tesheshi.com/
