Ekipet kombëtare të kualifikuara për në aktivitetin futbollistik europian të kësaj vere do të luajnë këto ditë një numër ndeshjesh miqësore. Bashkë me to janë dhe shumë përfaqësuese të tjera që i shfrytëzojnë këto data për të parë gjendjen e tyre aktuale e për të eksperimentuar.
Në një varg ditësh të mbushur me miqësore, veçohen disa përballje klasike të kontinentit. Një e tillë është Itali – Spanjë, që do të luhet sonte. Mbrëmja e së premtes ofron sfidën Holandë – Francë, për t’u ndjekur të shtunën nga ballafaqimi Gjermani – Angli.
Katër takime miqësore u luajtën mbrëmë. Ndeshja Slloveni – Maqedoni u fitua 1-0 nga pritësit, teksa Kroacia fitoi 2-0 ndaj Izraelit. Rumania u mjaftua me një fitore të ngushtë, 1-0, ndaj Lituanisë, e me të njëjtat shifra Polonia mposhti Serbinë.
Tetë miqësore do të luhen këtë të enjte, ku do të vihen përballë këto kombëtare:
Estoni – Norvegji
Greqi – Mali i Zi
Turqi – Suedi
Ukrainë – Qipro
Danimarkë – Islandë
Itali – Spanjë
Çeki – Skoci
Uells – Irlandë e Veriut
/tesheshi.com/
