Kreu demokrat Basha e ka përjetuar me një ndjenjë lumturie faktin që i biri i të ndjerit Olldashi, rival i tij në zgjedhjet e para post-Berishë, të cilat u përfolën për manipulime, është pozicionuar së fundi krah tij.
Basha realizoi një takim me studentë të EDS (European Democratic Studentes), një organizatë studentore zyrtare e Partisë Popullore Europiane, ku dhe foli me entuziazëm politik mbi praninë e Glauk Olldashit
“Merita e tij është që në ditën e parë ka qenë krah studentëve shqiptarë në betejën për arsimin e lartë të standardeve euroipiane.,
Por natyrisht nderon trashëgiminë e babait të tij, ish kryetarit të Forumit Rinor të Partisë Demokratike, një miku dhe bashkëpunëtorin timin, një nga liderët e PD ndarë nga jeta tragjikisht para disa vitesh, z.Sokol Olldashi”, tha Basha.
Edhe pse jo në jetë, Olldashi, si frymë, përfaqsuar nga përkrahës të formatit të tij politik, konsiderohen kundërshtarë të stilit të drejtimit të Bashës.
Një prej tyre, Patozi, tashmë ka themeluar partinë e tij e pritet t’i zërë vendin në krye të opozitës, pas aktit të djegies së mandateve. /tesheshi.com/
