Eshtë rrafshuar më në fund ajo për të cilën pak vite më parë Maks Velo vajtonte: godina e xhamtë mes Arenës Kombëtare dhe Kolonave, gjithashtu dhe mes Sheratonit e Pallatit të Kongreseve.
Ishin fadromat ato që u angazhuan në operacionin e shembjes, i cili është në funksion të lirimit të hapësirës për stadiumin e rindëriuar “Arena Kombëtare”.
Godina u ngrit pak vite më parë dhe siç thuhet ofronte shërbime të zakonshme, deri dhe floktore grash e fast-food.
Kur ajo qe në ndërtim, Maks Velo në rolin e një arkitekti e urbanisti vinte kujën për një tjetër çiban sipas tij në Tiranë.
Kujtojmë që ai ka qenë gjithashtu dhe ndër kundërshtarët e rreptë të dy kullave gjithashtu të xhamta te bulevardi “Dëshmorët e Kombit”, ato në krah të ish-Komitetit Qëndror e përballë Kryeministrisë, të cilat sipas tij cenuan rëndë kompozicionin arkiektonik të bulevardit, që nga qendra e deri te korpusi universitar, ideuar e projektuar nga italianët.
Ndërkohë, kryebashkiaku Veliaj përcjell një video të shembjes, duke e shoqëruar me këto fjalë”
“Çibani i fundit!
Ikën ngrehina e mbetur nga aksi qendror i Tiranës për ta hapur plotësisht Sheshin Italia për Arenën Kombëtare.
Shpronësim për ata me leje, prishje për të fortët që shtuan katet pa leje në kohë të Lulit e Kunatit famëkeq”. /tesheshi.com/
https://www.facebook.com/ErionVeliaj/videos/2373208002758513/?t=13
