Shumë të rinj sfiduar ujrat e ftohta në përpjekje për të kapur kryqin, në atë që konsiderohet si dita e “ujit të bekuar” për të krishterët, e që është një ritual i çdo janari.
Pothuajse në të gjitha qytetet shqiptare me komunitet të krishterë, ky rit u praktikua në varësi të rrethanave, ku në lum, ku në det, e ku në ndonjë rezevruar, e deri te ndonjë shatërvan siç ishte rasti me Korçën. Kjo ditë ku pasi prifti hedh kryqin në ujë, e disa individë nga grigja – kryesisht të rinj – rendin për ta gjetur e shtënë në dorë, duke u ndjerë kështu të bekuar dhe ata, është në rikujtim i pagëzimit të Jezusit në lumin Jordan, kjo sipas teologjisë së krishterë.
Por jo gjithçka ka shkuar “me bekim” në këtë ditë, pasi në ujrat e Osumit në Berat, pati një sherr mes të rinjsh se kush e kapi kryqin i pari. Situata degradoi deri në përplasje fizike, fillimisht në ujë e më pas në breg, derisa gjithçka u qetësua me truimfin e më “të fortit” për të marrë bekimet e kësaj dite. /tesheshi.com/
