Një doktor ka postuar së fundi në rrjetet sociale historinë e tij me një grua shtatzënë, e cila nuk i mbijetoi lindjes. Ky tekst i bëri shumë njerëz të reflektojnë dhe u shpërnda me mijëra herë.
“Si mjek, kam ndihmuar shumë gra shtatzëna gjatë lindjes dhe çdo herë që futem në sallën e lindjes i lutem Zotit që të bekojë të gjitha nënat.
Dhimbja nëpër të cilën kalojnë gratë shtatzëna është e papërshkrueshme dhe ajo nuk përfshin vetëm nëntë muajt e shtatzënisë. Ato kalojnë nëpër shumë gjëra vetëm për të sjellë një jetë të re në këtë botë.
Sot qava sepse humba një grua. Nuk lutemi për gjëra të tilla, por ndonjëherë Zoti ka plane tjera. Pse ishte rasti i kësaj gruaje kaq i dhimbshëm? Ajo nuk mund të kishte fëmijë për 14 vjet! Provuam IVF-në dhe shumë metoda të tjera që janë të njohura për njeriun, ndërkohë që kjo grua kishte kaluar nëpër shumë gjëra.
Në fund, Zoti e begatoi; ishte diçka mbi shkencën dhe diturinë njerëzore. Ajo mbeti shtatzënë pavarësisht se kishte ciste në vezorë dhe miome në mitër. Miomet e saj filluan të zhdukeshin dhe gjithçka po shkonte mirë. E dija se Zoti do të bënte atë që ne na dukej e pabesueshme nga madhështia dhe hiri i Tij.
Pas nëntë muajsh, erdhi koha e lindjes. Burri i saj e solli në spital, i lashë të gjitha gjërat me të cilat po merresha, për ta vizituar. Lindja po zgjaste me orë të tëra dhe pas shtatë orësh dhimbjet u bënë aq të forta sa që vendosa ta hapja.
E humbëm, por fëmija ishte gjallë. Para se të vdiste, ajo mbajti fëmijën në krahë dhe buzëqeshi. Tha “Zoti është më i madhi” dhe më pas vdiq.
Isha i lodhur dhe i trishtuar, shkova te burri i saj për t’i treguar se çfarë ndodhi dhe pasi dëgjoi se çfarë ndodhi ra përtokë pa vetëdije; dita e tij e lumtur u kthye në ditë pikëllimi. Sot humbëm një jetë për të lindur një të re.
Ju lutem të respektoni gratë sepse ato kalojnë nëpër luginën e vdekjes vetëm për të sjellë një jetë të re. Respektoni gratë tuaja! Bartja e një fëmije për nëntë muaj nuk është një shaka dhe lindja për orë të tëra e fëmijës tuaj është një sakrificë e madhe.
Lus Zotin që të mbrojë të gjithë ata që e lexojnë këtë, sidomos gratë shtatzëna. Kërkoj nga ju që ato të jenë në lutjet tuaja.
Ju lutem, nëse keni ndonjë problem me nënën tuaj dhe refuzoni ta kontaktoni, telefonojeni atë tani! Ajo ka kaluar shumë peripeci për t’ju lindur!”/tesheshi.com/
