Dita e parë në çerdhe e princit: dukesha e fotografon vetë

Dita e parë në çerdhe për princin George ka qenë ajo e djeshme dhe ai është fotografuar nga e ëma, Kate Middleton, jashtë ambienteve të shkollës së re. Xhup blu, çantë e kaltër, përpara një muri të pikturuar me lule dhe fëmijë që luajnë, George është fotografuar ndërsa ishte duke hyrë në Westacre Montessori School në Norfolk.

Për të festuar këtë ngjarje të rëndësishme në jetën e princit të ri, familja mbretërore ka shpërndarë në rrjetet sociale dy fotografi të të voglit, të shkrepura nga vetë dukesha e Kembrixhit.

George ka lindur me 22 korrik të vitit 2013 dhe do të ndjekë çerdhen kur prindërit të jenë në shtëpinë e tyre në Norfolk. Gjatë ditëve kur çifti do të jetë në Londër, në Kensington Palace, princi do të jetë pranë nënës dhe babait të tij./tesheshi.com/