Ish-kryeministri grek, Aleksis Cipras hodhi poshtë rezultatet e sondazheve që sugjerojnë se partia e tij majtiste Syriza mund të humbasë ndaj rivalëve konservatorë, në zgjedhjet e së dielës. Ai tha se sondazhet nuk reflektojnë një pjesë të mirë të mbështetjes që ai gëzon në popull.
Këto komente vijnë në ditën e fundit të fushatës elektorale në Greqi, ndërsa sondazhet tregojnë se mund të ketë një votim të ngushtë dhe Demokracia e re mund të rritet me disa pikë.
Megjithatë, asnjë parti nuk pritet të marrë votat e domosdoshme, gati 38 për qind, për të pasur shumicë të plotë në parlamentin prej 300 vendesh, e kjo nënkupton se për të formuar qeverinë e re do të duhet koalicion.
Sipas Cipras, ka një trupë votuesish që nuk janë kapur nga radari i sondazheve, deklarata këto që tregojnë se si ka besim për një rezultat të mirë për partinë e tij.
Por, janë pesë sondazhe të ndryshme të publikuara që nënvizojnë se zgjedhjet e së dielës do të jenë shumë të ngushta në rezultat. Ato japin rezultate të ndryshme, porn ë të pesta reflektohet nevoja e qeverisjes në koalicion.
Kushdo të jetë fituesi i zgjedhjeve të së dielës, do të duhet të përballojë refoma të thella ekonomike të vendosura si kusht për paketën e tretë të ndihmës financiare prej 86 miliardë eurosh, negociuar nga Cipras gjatë muajit gusht. /tesheshi.com/
