Rusët kanë ndërmarrë sulme të reja ajrore në Siri, një ditë pas 20 misioneve të raportuara në afërsi të Homsit, në zona ku nuk ka prani të ISIS. Moska u justifikua për sulmet duke thënë se në shënjestër të saj janë militantët, por duket se edhe sulmet e ditës së dytë kanë shtuar dyshimet se rusët po favorizojnë trupat qeveritare në luftën e tyre me kryengritësit.
Sipas asaj që raporton televizioni libanez, Al-Mayadenn, avionët rusë goditën në zonën ku kanë kontrollin aleanca e kryengritësve që përfshin frontin al Nusra dhe grupin e linjës së ashpër Ahrar al-Sham si dhe objektiva në qytetin strategjik Jisr al-Shughour e në provincën e Idlibit dhe Hamas më në jug. Grupimi në fjalë ka avancuar shumë kohët e fundit, duke marrë Idlibin nga kontrolli qeveritar.
Aleanca e grupeve të vijës së ashpër, përfshin edhe disa grupime të moderuara opozitare, mirëpo të gjitha ato janë kundërshtare me ISIS dhe kanë luftuar beteja të përgjakshme me të. /tesheshi.com/
