Kryedemokrati Basha ka mbajtur një fjalim përpara grevistëve në çadrën e ngritur tek Kryeministria, ndërsa greva është futur në ditën e saj të nëntë. Sot Basha tha se vendit i duhet më shumë se kurrë një qeveri teknike, e cila do të garantojë zgjedhje të lira dhe të ndershme.
Në fjalimin e tij u artikuluan terma si “Ora e fitores”, “Republika e Re” dhe “Qeveria e Krimit”. Gjatë fjalës së tij, Basha tha se ushtria e vërtetë e demokratëve është populli. Ndër të tjera ai u shpreh se populli e ka varë frikën.
“Populli nuk ka më frikë, e ka vrarë frikën, s’ka pse të ketë frikë nga një pakicë që përfaqëson llumin përtej atyre mureve. Edi Rama dhe banda e tij është më e izoluar se kurrë, nuk e do Jugu, as Veriun e nuk e duan as ndërkombëtarët”, – tha Basha.
Ndër të tjera ai e cilësoi qeverinë si “një grusht kriminelësh, hajdutësh e zuzarësh”, ndërsa për kryeministrin Rama tha se që prej 18 shkurtit s’po gjen vrimë ku të fusë kokën./tesheshi.com/
