Kryeministrja e Zelandës së Re Jacinda Ardern nuk u lejua të futej në një restorant popullor në Wellington për shkak të respektimit të masave të distancës sociale, shkruan The Guardian.
Përkatësisht, restoranti Olive ishte i mbushur me klientë, kështu që kryeministrja dhe partneri i saj Clark Gayford u duhej të prisnin.
Një zëdhënës i qeverisë së Zelandës së Re tha se pritja për të hyrë në restorant ishte diçka që mund t’i ndodhte kujtdo, ndërsa masat kundër përhapjes së koronavirusit ishin ende aktive.
“Kryeministrja tha se ajo do të priste si të gjithë të tjerët,” tha një zëdhënës.
Pronari i lokalit u tha mediave lokale se nuk kishte asnjë përjashtim kur bëhej fjalë për kryeministren dhe partnerin e saj.
Menaxheri, megjithatë, vrapoi pas tyre nëpër rrugë, disa minuta më vonë kur tryeza ishte e lirë.
“Ajo hëngri dhe doli pas një ore e gjysmë. Ajo ishte e mrekullueshme për të gjithë punonjësit të trajtohej si një klient i zakonshëm”, tha pronari i restorantit. /tesheshi.com/
