Presidenti rus Vladimir Putin ka nënshkruar një dispozitë që lehtëson rrugën për marrjen e nënshtetësisë ruse për ata që jetojnë në pjesë të Ukrainës të kontrolluara nga Rusia.
Por kjo dispozitë nënkupton gjithashtu se ata që nuk duan të ndryshojnë shtetësinë ose nuk legalizojnë statusin e tyre mund të dëbohen.
Reuters raporton se sipas dispozitës, ata që jetojnë në Donetsk, Luhansk, Kherson dhe Zaporizhia (katër rajone të pretenduara nga Rusia) mund të fillojnë procesin e marrjes së shtetësisë ruse ose legalizimit të statusit.
Në akt thuhet gjithashtu se ata që nuk e iniciojnë atë proces deri më 1 korrik 2024 do të konsiderohen shtetas të huaj, që do të thotë se Rusia mund t’i dëbojë ata nga territoret e përmendura të okupuara. /tesheshi.com/
