Gjigandi i argëtimit “Disney” ka ndaluar në të gjitha parqet qa ka në pronësi, përdorimin dhe mbajtjen e shkopinjve që shfrytëzohen për të bërë fotografi, thënë ndryshe, “selfie”.
Vendimi ka hyrë në fuqi që prej së martës së kaluar dhe duket se është marrë pas shqetësimeve të shumta të ngritura nga familjarët.
Zyrtarë të “Disney” lëshuan një komunikatë në të cilën thuhej: “Duam që të kemi një ambient të sigurt për tërë familjen, prandaj nuk lejojmë që për dëshirën e disa individëve të pengohet qetësia dhe qarkullimi i lirë”.
Kohët e fundit, përdorimi i “selfie sticks” është rritur ndjeshëm, por tashmë nëse dikush do të marrë guximin të përdorë një të tillë në parqet “Disney”, do të konfiskohet, nëse ai nuk do jetë parë në hyrje të parqeve.
Vendimi për ndalimin e “selfie sticks” ishte marrë më herët edhe nga disa klube sportive në SHBA. “Nëse goditeni në kokë nga një shkop i tillë do të kishit pasoja”, ka thënë një drejtues i një ekipi kriketi./tesheshi.com/
