Gazetaria vazhdon të mbetet ende sfidë në çështje, të sigurisë ekonomike e çështje të tjera. Kështu ka thënë sot Avokati i Popullit, Hilmi Jashari, në tyrezën e organizuar me temë “Reflektim mbi rolin e medies në dinamikën e proceseve shoqërore”, me rastin e ditës botërore të lirisë së shtypit.
“Jemi të vetëdijshëm jo vetëm për gjendjen në Kosovë, dhe se mungon një mbrojte adekuate për gazetarët. Edhe raporti i Këshillit të Evropës, i cili ka treguar për gjendjen jo të mirë në Kosovë dhe në vendet tjera”, ka thënë Jashari.
Në këtë tyrezë është përmendur edhe liria për qasje në dokumente publike, e cila ende po ka problem në zbatimin e saj në praktikë.
Betim Musliu nga Instituti i Kosovës për Drejtësi, tha se e drejta e të shprehurit është rregulluar me ligje, por në praktikë është shumë ndryshe.
“Ligji për qasje në dokumente publike është një çështje që ka ende probleme në zbatueshmëri. Është e frikshme se si kanë krijuar fuqi zyrtarët e institucioneve publike”, ka thënë Musliu.
Ai ka përmendur dhe çështje të tjera të keqpërdorimit të pozitës nga bartësit e funksioneve gjyqësore, prokuroriale duke përfshirë edhe funksionet në polici.
“Egziston një rrjet i njerëzve të cilët sot për sot nëse preken në çfarëdo forme, e shndërrojnë në armiqësi cilindo raport që bëhet nga mediat, gazetarët për me u ba persekutim i skajshëm ndaj gazetarëve”, ka theksuar Musliu.
Për probleme të ngjashme kanë folur edhe gazetarë të tjerë të mediave të ndryshme të cilët kanë shprehur shqetësimin për gjendjen e gazetarëve. /tesheshi.com/
