Isa Mustafa, kreu i Lidhjes Demokratike të Kosovës, tha se ai, më saktë partia që drejton, mund ta rrëzojë qeverinë Haradinaj dhe për këtë po punon.
“Po bëjmë përpjekje që të arrijmë t’i kemi votat e nevojshme për të rrëzuar qeverinë. Po bëjmë çdo ditë përpjekje për të rrëzuar qeverinë”, tha Mustafa pas mbledhjes së Këshillit të Përgjithshëm të LDK-së, e njohur ndryshe dhe si partia e ish-presidentit Rugova.
LDK gjendet sot në kuotën më të ulët elektorale që nga themelimi i saj në fillim të viteve ’90-të.
Isa Mustafa, njeriun që drejton humbi Komunën e Prishtinës përballë Shpend Ahmetit nën siglën e VV-së, e më pas iu rrëzua dhe qeveria. Megjithatë, ai ka ambicie të sërishme për t’u rikthyer në pushtet. /tesheshi.com/
