Armenia ka parandaluar një përpjekje vrasjeje ndaj kryeministrit Nikola Pashinyan nga një grup ish-zyrtarësh që duan të marrin pushtetin, njoftoi Shërbimi i Sigurisë Kombëtare (NSS) të shtunën.
Pashinyan është nën presion nga mijëra protestues që kanë protestuar që nga e marta, duke kërkuar që ai të japë dorëheqjen për shkak të armëpushimit për të cilin ra dakord, i cili i siguroi Azerbajxhanit fitime territoriale në Karabak, pas gjashtë javësh luftimesh.
NSS njoftoi se ish-udhëheqësi i saj Artur Vanecjan, ish-kreu i grupit parlamentar të Partisë Republikane Vahram Bagdasaryan dhe veterani i luftës Ashot Minasyan u arrestuan.
“Të dyshuarit planifikuan të merrnin pushtetin në mënyrë të paligjshme duke vrarë kryeministrin dhe tashmë kanë diskutuar kandidatë të mundshëm për ta zëvendësuar atë,” tha NSS në një deklaratë.
Pashinyani tha në fillim të kësaj jave se nuk kishte zgjidhje tjetër përveç nënshkrimit të marrëveshjes për të parandaluar humbjen e mëtejshme të territorit.
Ai tha se po merrte përgjegjësi personale për këtë, por hodhi poshtë thirrjet për të dhënë dorëheqjen.
Armëpushimi ndaloi veprimet ushtarake në dhe përreth Nago-Karabakut, të njohur ndërkombëtarisht si pjesë e Azerbajxhanit, por e banuar kryesisht nga armenët.
Që nga vitet 1990, armenët etnikë kanë kontroll ushtarak mbi Nago-Karabakun dhe pjesë të territorit azerbajxhan përreth tij.
Ata tani kanë humbur një pjesë të mirë të zonës si dhe territorin përreth saj.
Luftimet që filluan në shtator, për të cilat besohet se kanë vrarë disa mijëra njerëz, kanë ngritur frikën se lufta mund të ndikojë në rajonin e gjerë, pasi Turqia mbështet Azerbajxhanin dhe Rusia ka një marrëveshje me Armeninë, ku ajo gjithashtu ka një bazë ushtarake. /tesheshi.com/
