Kur sheh këtë foto, dy gjëra mendon: e para, njeriu që pozon me këto dy të mitura, kryekomunari i Prishtinës në rastin konkret, është i sinqertë apo hipokrit në pamjen e tij, llahtara vetë?
Ai vetë nuk është gej, nuk është përfolur si i tillë. Pra, në këtë pozicion është aktor. Ndër ata aktorë, figura politike dhe publike, të cilët diktohen të jenë aty prej imponuesve të axhendës LGBT.
Por, aktron në këtë foto apo beson në atë që promovon?
Nëse nuk je gej e ke një fije mend e moral, vështirë ta ofrosh veten kaq lehtësisht në një pozë të tillë. Mund ta urresh atë që bën, e karakteri i dobët të bën të jesh aty. Por në këtë rast nuk të detyron kush të pozosh kaq pabesueshëm. Madje mund të ndodhë të ta shprehë çehrja që po vuan një kontraditë të brendshme. Kësisoj, ul kokën dhe e gëlltit me zorr atë ku gjendesh, me peshën e durimit sa të mbarrojë ajo shfaqje që të shndërron nga njeri në leckë. Ky është aktrim ku e luan rolin, duke e urryer atë që luan, edhe duke mos e besuar gjithashtu.
Më e rëndë është tjetra: të jesh në rol real. Pra ta besosh atë bën. Ta pëlqesh, ta mbrosh dhe ta promovosh. Cili është në këtë prej këtyre të dyve te pamja e Përparim Ramës? Vështirë të thuhet se cili. Por nëse është i dyti, nuk ka rëndësi nëse është apo jo realisht gej. Kur diçka e ke ves teorik, lehtësisht mund ta kesh dhe praktik. Mundet dhe të ishte, por s’kishte pse na e thoshte. Rregulli është që ajo e cila quhet intime, quhet kështu pasi s’mund të jetë publike. Ah, harruam! Asnjë rregull s’ekziston te ata që kanë zhbërë rregullin bazë të jetës, atë që garanton vazhdimësinë e saj.
E dyta janë këta të mitura krah kryekomunarit të Prishtinës. Të kujt janë dhe a ju është thënë se ç’farë po promovojnë? A ju është thënë se ato nuk mund të vinin në jetë nga ajo që promovohet? A ju është thënë se ato janë në jetë pikërisht nga fakti se prindërit e tyre kanë qenë e kundërta e atyre që promovohen? Vetë ato çfarë do jenë?
Prania e tyre aty është treguesi me çmendurak se deri në ç’pikë mund të shkojë absurdi i kësaj kategorie njerëzore. Njeriun e bëjnë kufijtë të tillë. Kur nuk ke kufi, vështirë të quhesh njeri! Kjo edhe dicitura e kësaj fotoje. /tesheshi.com/
