Pas një jete me vuajtje, lodhje e shpesh edhe dhunë të paimagjinueshme, shumë gomarë gjejnë më në fund lumturinë në jetën e tyre prej kafshës, në Strehën e Gomarëe, pranë Biellas në Itali.
OJQ-ja e themeluar në vitin 2006 është filiali italian i The Donkey Sanctuary, një ent bamirësie anglez i themeluar në vitin 1969 nga Elisabeth Svendsen. Në këtë organizatë personeli kujdeset për fatin e një prej kafshëve më të lodhura e më të shfrytëzuara në botë, siç është gomari. Ata lihen të rendin të lirë në fusha të mëdha, të pa detyruar të bëjnë asnjë punë.
Mes 143 të ftuarve ka gomarë që vijnë nga Greqia, Rumania, Zvicra e Franca. Pasi kanë pësuar keqtrajtime, abuzime, pasi janë braktisur ose në rastin më të mirë, janë dhuruar nga pronarët të cilët nuk kanë pasur më mundësi të kujdeseshin për ta, gomarët që vijnë nga e gjithë Europa, gjejnë në këtë strehë, besimin tek njeriu dhe përfitojnë kujdesje nga vullnetarët e qendrës./tesheshi.com/
