Besojeni ose jo, por ka disa njerëz që në një sondazh kanë cilësuar si frikën e tyre më të madhe të folurën në publik duke lënë pas në listë frikën ndaj vdekjes. Si është e mundur kjo?
Njerëzit që në lashtësi kanë jetuar në komunitete dhe grupe për të qenë të bashkuar ndaj rreziqeve të jashtme që kanoseshin herë pas here. Për t’u mbijetuar egërsirave apo sulmeve të tjera bashkësia e grupeve formoi shoqërinë.
Në të njëjtën kohë është brumosur tek njeriu dhe frika ndaj izolimit apo refuzimit nga shoqëria. Instiktet e mbijetesës në trurin tonë ende kanë lënë gjurmë dhe e barazojnë të folurën në publik si një gjendje rreziku duke aktivizuar hipotalamusin i cili nxit prodhimin e adrenalinës që nga ana tjetër rrit presjonin e gjakut, rrahjet e zemrës dhe atë djersitje të pashpjegueshme.
Kjo lloj gjendje stresi bën që në fund të mos arrijnë të nxjerrin nga goja as edhe një fjalë të mençur. /tesheshi.com/
