Të gjithë duam të kemi një higjienë orale në nivele maksimale edhe pse shpesh herë tregohemi jo dhe aq të kujdesshëm për këtë pjesë. E kush nuk dëshiron të ketë dhëmbë të bardhë e të shkëlqyeshëm, pa shumë punë? Thuajse të gjithë, por në ditët e sotme kur kafja e mëngjesit na është bërë një rutinë, pak sa e vështirë të realizohet kjo, e aq më tepër vështirësohet puna për ata persona që konsumojnë edhe duhan. Mirëpo, më poshtë po ju tregojmë disa mënyra natyrale dhe shumë efektive të cilat do t’ju ndihmojnë të keni dhëmbë të bardhë.
Lëkura e bananes– Bananet përmbajnë potas dhe magnez, dy minerale që penetrojnë në dhëmbë dhe i bëjnë më rezistente ndaj sulmeve të jashtme, i bëjnë më të fortë, më të shëndetshëm dhe më të bardhë. Për të pasur një rezultat të mirë fërkojini dhëmbët me pjesën e brendshme të lëkurës së bananeve. Kjo lloj mënyre nuk ka asnjë efekt të dëmshëm, përveçse të shëndetshëm për dhëmbët.
Limoni– Ky frut është shumë i mirë për zbardhjen e dhëmbëve. Me lëngun e limonit shpëlani gojën dhe lëreni të veprojë për dhjetë minuta dhe më tej lajini dhëmbët normalisht me furçë. Gjithashtu mund të përdoret lëngu i limonit i hedhur mbi furçë
Molla- Veçanërisht ajo e verdhë ka një efekt mbresëlënës për zbardhjen e dhëmbëve. Grijeni mollën imët dhe vendoseni në dhëmbë për pesë minuta. Gjithashtu lëngun e mollës mund ta hidhni mbi furçë dhe të vijoni me procesin e larjes.
Karotat- Veprojnë njëlloj si pasta e dhëmbëve, veçse i bëjnë dhëmbët më të bardhë dhe me më shumë shkëlqim. Ngrënia e shpeshtë e tyre zhduk papastërtitë e dhëmbëve dhe i bën më të bardhë.
Uthulla e mollës– Është një zbardhues natyral shumë i mirë për dhëmbët. Mund të hidhen disa pika në furçën e dhëmbëve ose mund të shpëlani gojën me të. Rezultati do të jetë i paparë./tesheshi.com/
