Sa herë keni hequr dorë për të skuqur diçka të shpejtë, vetëm sepse aroma e pakëndshme ju vjen ndër mend përpara se t’iu vijë nën hundë?! Rrobat, janë gjithashtu problem në këtë rast.
Por si për çdo gjë, edhe kjo e ka një zgjidhje që nuk ju kërkon as mundim e as shpenzim. Limoni jep përgjigje edhe në këtë rast.
Nëse doni që edhe ushqimi që po skuqni të marrë aromën e tij, atëherë shtoni në vaj pak lëng limoni. Përndryshe, nëse doni thjeshtë që aroma të mos shpërndahet në të gjithë shtëpinë, një lëkurë nga limoni në vaj, do të mjaftojë për të larguar aromën.
Edhe molla ka të njëjtin funksion kur flitet për largimin e aromave. Një fetë mollë në vajin ende të ftohtë, do ta mbajë atë “të pastër” më pas.
Për uthullën, mund të keni dëgjuar që largon aromat e pa këndshme por në këtë rast nuk ka pse të jetë brenda vajit. Pranë enës që po skuqni, vini një enë me ujë e uthull në mënyrë që të kontrastohen erërat.
Edhe majdanozi, nëse e skuqni në vajin që po gatuani, do t’i largojë aromat. /tesheshi.com/
