Shkaqet dhe simptomat.
Ekzema është një formë akute e skuqjes dhe acarimit të lëkurës. Ajo ka forma të ndryshme, ndonjëherë sipërfaqja e prekur është e ashpër, e thatë dhe shkakton kruarje në të gjitha stadet.
Kjo është një sëmundje që shfaqet nga prania e toksinave në të gjithë sistemin dhe dështimi i organizmit për t’u pastruar nga këto toksina (mungesa e djersitjes, konstipacioni etj).
Shkaqe të tjera janë ushqimi i keq, metabolizmi i dobët, mungesa të vlerave ushqimore, stres menstrual, lodhje e tepërt dhe stres i vazhdueshëm shtypës. Po ashtu edhe përdorimi i gjatë i ndonjë medikamenti, mund të jetë gjithashtu shkaktare.
Disa mënyra natyrale si të trajtojmë ekzemën, ose të paktën si ta mbajmë nën kontroll.
- Pjepri.
Ky frut veror është shumë i rëndësishëm dhe i dobishëm për të trajtuar ekzemën. Për 40 ditë rresht konsumoni vetëm pjepër 3 herë në ditë.
Në tre ditët e para, konsumoni 3 kg pjepër, pas ditës së tretë masa duhet të jetë 1 kg në ditë. Fruti përmban rreth 90% ujë kështuqë nuk është e nevojshme të pini ujë gjate ditës.
- Mango.
Merrni një copë mango dhe hidheni në një gotë me ujë. Lëreni 30 minuta në gjendje të qetë. Pas 30 minutash merreni këtë ujë (locion) dhe lyeni pjesët e prekura nga ekzema.
- Lëngje perimesh.
Lëng karote i kombinuar me lëng spinaqi, është vërtetuar se është shumë efektiv ndaj kurimit te ekzemës. 300 ml lëng karote e 200 ml lëng spinaqi të përzihen dhe të pihen gjatë ditës.
- Dieta ushqimore gjatë ditës.
Të fillohet dita me një lëng portokalli është shumë e mirë për ta çliruar trupin nga toksinat e akumuluara. Lëng portokalli dhe ujë (në mëngjes) për 10 ditë rresht, por kjo varet edhe nga shkalla e problemit. Nëse ekzema është shumë e avancuar kura duhet të vazhdojë me gjatë. Pas lëngut të portokallit, vaktet duhet të jenë të pasura me perime të ziera me avull (pa kripë fare). Vaj kokosi i papërpunuar dhe qumësht kokosi (vetëm nëse e përgaitsni vetë pa konservantë) mund të përdoret në vend të qumështit të zakonshëm. Dieta duhet të jetë e balancuar dhe të përmbajë frytet e llojeve te arrës (bajame, lajthi, arra etj), si edhe fruta e perime.
Duhen shmangur çajrat, kafja, alkooli, sheqeri i bardhë, prodhimet me miell të bardhë dhe të gjitha llojet e ushqimeve të denatyruara dhe artificiale./tesheshi.com/
