Shkencëtarët kanë dhënë këshilla për ushqimet dhe lëngjet, lidhur me atë se si duhet të ruhen dhe nëse janë të sigurta për t’u konsumuar pasi kanë qëndruar disa ditë jashtë frigoriferit.
Adam Hargrave, një shkencëtar i cili punon në Agjencinë e kontrollit të ushqimit në Britaninë e Madhe, jep disa këshilla lidhur me atë se si duhet të ruajmë ushqimin:
-Së pari ju rekomandojmë që ujin ta mbani në frigorifer dhe ta pini atë më së voni brenda dy ditëve të ardhshme.
-Nëse qumështi është lënë e hapur jashtë frigoriferit, mos e pini atë, sepse mund të sëmureni. Nëse nuk jeni të sigurt se në çfarë gjendje është qumështi, vlojeni atë.
-Ushqimin, sidomos sallatën, mos e lini jashtë frigoriferit për më shumë se dy orë, sepse kjo rrit rrezikun e krijimit të baktereve. Lëni ushqimin në frigorifer, në temperaturën mes zero dhe pesë gradë.
-Pasi të zihet/piqet mishi, ai nuk duhet të qëndrojë jashtë frigoriferit për më shumë se dy orë, apo një orë në qoftë se është nxehtë. Mishi duhet të ftohet dhe të futet në frigorifer sa më shpejtë. Është e rëndësishme që mishi të zihet apo piqet me qëllim që të zhduken të gjitha bakteret.
-Gjalpi është më së miri që të ruhet në frigorifer, dhe gjithmonë duhet ndjekur udhëzimet e prodhuesit.
-Gjithmonë lani frutat dhe perimet që keni blerë, veçanërisht kur t’i hani ato të freskëta.
-Mishi i papërpunuar nuk duhet të lahet, ngase me këtë vetëm se bartim mikrobet në duar, veshje dhe sipërfaqe të punës. Me zierje dhe pjekje të mirëfilltë do të vriten të gjitha bakteret. /tesheshi.com/
