Të udhëtosh gjithë botën me një avion modern, të njohësh njerëz të rinj dhe të kesh një rrogë të mirë, mund të jetë emocionuese, apo jo? duket si puna e ëndrrave, por nuk është kështu gjithmonë.
Për të qenë stjuardesë, duhet të kalosh shumë pengesa dhe është një punë që jo të gjitha vajzat dhe djemtë mund ta bëjnë. Duhet shumë punë dhe rregull për të qenë një vajzë apo djalë shërbimi në avion.
Disa nga vështirësitë po i paraqesim më poshtë:
- Duhet të dish të notosh – Kjo në rast se avioni bie në ujë, për të dhënë ndihmën e parë.
- Flokë të shkurtër – Dhe në shumë raste, të duket qartë fytyra.
- Të mos kesh tatuazhe apo pirsing – Është një rregull i shumë kompanive.
- Të dish si të mbijetosh në xhungël – Gjithmonë, në rast se avioni rrëzohet në një zonë të tillë, stjuardesat duhet të kenë ide si të mbijetojnë.
- Të kenë forcë – Nuk është e lehtë të ngresh dhe të ulësh bagazhet e udhëtarëve.
- Të mos keni shenja në fytyrë – Çuditërisht, ky rregull është në shumë kompani ajrore.
- Të keni thonj të shkurtër – S’bëhet fjalë për thonj të gjatë apo të vënë.
- Të jeni beqarë – E kuptoni vështirësinë tani?
- Të keni gjatësinë që kërkohet – Për shembull, disa kompani nuk pranojnë njerëz nën 160 cm.
- Të mos jesh nën peshë – Edhe kjo pjesë është shumë e rëndësishme.
- Të mos keni qime në hundë apo në sqetulla – Pastërtia dhe higjiena është një tjetër pikë e domosdoshme.
- Të kesh këmbë të bukura – Mbani parasysh që stjuardesat vishen përherë me fund, këmbët janë të parat që duken./tesheshi.com/
