Diplomati rus jep dorëheqjen në OKB: Më vjen turp!

Një diplomat rus dha dorëheqjen nga pozicioni i tij në Kombet e Bashkuara, duke thënë se ai “kurrë nuk kishte pasur aq turp” për vendin e tij dhe duke dënuar Vladimir Putinin për “luftën e tij agresive” kundër Ukrainës.

Boris Bondarev, një këshilltar i misionit të Rusisë në zyrën e OKB-së në Gjenevë, ka kritikuar Ministrinë e Jashtme të Rusisë, ku ai punoi për 20 vjet, për rritjen e “nivelit të gënjeshtrave dhe joprofesionalizmit”.

Në një deklaratë të ndarë nga drejtori i organizatës Hillel Neuer, Bondarev tha:

“Në 20 vjet të karrierës sime diplomatike, kam parë kthesa të ndryshme në politikën tonë të jashtme, por kurrë nuk kam pasur aq turp për vendin tim sa më 24 shkurt. Këtë vit, lufta agresive që Putin filloi kundër Ukrainës dhe në fakt kundër gjithë botës perëndimore, por edhe, ndoshta, krimi më i rëndë kundër popullit të Rusisë, me një shkronjë të theksuar Z që tejkalon të gjitha shpresat dhe perspektivat tona për një shoqëri të lirë të begatë në vendin tonë.

Ata që ideuan këtë luftë duan vetëm një gjë – të qëndrojnë në pushtet përgjithmonë, të jetojnë në pallate pompoze pa shije, të lundrojnë me jahte të krahasueshme për nga tonazhi dhe çmimi me të gjithë marinën ruse, duke gëzuar fuqi të pakufizuar dhe pandëshkueshmëri të plotë. Për ta arritur këtë, ata janë të gatshëm të sakrifikojnë aq jetë sa të jetë e nevojshme. Mijëra rusë dhe ukrainas kanë vdekur tashmë për të.”

Ai tha se puna e Ministrisë së Jashtme është bërë “thjesht katastrofike” vitet e fundit, duke shtuar:

“Në vend të informacionit të paanshëm, analizave të paanshme dhe parashikimeve të matura, ka klishe propagandistike në frymën e gazetave sovjetike të viteve 1930. Është ndërtuar një sistem vetë-mashtrimi.”

Ai ishte veçanërisht kritik ndaj mministrit të Jashtëm rus Sergei Lavrov, për të cilin tha se ishte shndërruar nga një “intelektual profesionist dhe i arsimuar” në “një person që vazhdimisht bën deklarata kontradiktore dhe kërcënon botën me armë bërthamore”.

Bondarev shtoi:

“Sot Ministria e Punëve të Jashtme nuk merret me diplomaci. Ajo merret me nxitjen e luftës, gënjeshtrat dhe urrejtjen. Ajo u shërben interesave të pak, shumë pak njerëzve dhe kështu kontribuon në izolimin dhe degradimin e mëtejshëm të vendit tim. Rusia sot ka nuk ka aleatë dhe për këtë nuk duhet të fajësojë askënd veç politikave të saj të pamatua.”

Ai konkludoi se nuk mund të vazhdonte më të punonte në Ministrinë e Jashtme dhe “të merrte pjesë si dëshmitar në këtë turp të përgjakshëm dhe absolutisht të panevojshëm”.

Neuer tha se Bondarev ishte një “hero”, duke shtuar:

“Tani u bëjmë thirrje të gjithë diplomatëve të tjerë rusë në Kombet e Bashkuara dhe në mbarë botën, që të ndjekin shembullin e tij moral dhe të japin dorëheqjen.” /tesheshi.com/